ညိုကီ FM အပိုင်း-၄ လာပါပြီခင်ဗျာ။ တကူးတက မမျှော်နေကြပေမဲ့လည်း တာဝန်သိစွာ တင်ဆက်လိုက်ပါတယ်။

Brad က စာကို မဖြစ်မနေ ဖတ်နေရပြီး အားကစားလုပ်ရတာ ခုံမင်တဲ့ ကျောင်းသားတစ်ယောက်ဖြစ်တယ်။ Sammy က တောထဲရောက်လိုက် မြို့ပေါ်ရောက်လိုက်နဲ့ နောက်ဆုံးအိမ်ထောင်ကျသွားတဲ့ တံငါသည်တစ်ပိုင်း Podcaster၊ Frankie ကတော့ ကျန်းမာရေးလိုက်စားတာနဲ့ ညီမျှအောင် ပြန်သောင်းကျန်းတတ်တဲ့ ဘဝအတွေ့ကြုံများတဲ့ လူလတ်ပိုင်းမိတ်ဆွေတစ်ယောက်ပေါ့။

ဒီလူသုံးယောက်ဆုံပြီဆိုရင် စကားဝိုင်းတစ်ခုက မနက် ၃ နာရီအထိ ပြောကြဆိုကြ၊​ ထောက်ခံကြ၊ ငြင်းခုန်ကြ၊ နားထောင်ကြနဲ့ နောက်တစ်နေ့ မိုးလင်းမှ အမှားပါရင် စိတ်မရှိဖို့ ဖုန်းဆက်ပြီး တောင်းပန်ကြတာက ဖြစ်ရိုးဖြစ်စဥ် တစ်ခုလိုပါပဲ။

နှစ်သစ်ကူး Jan မှာ Brad က Happy Old Year ဆိုပြီး နှစ်သစ်ကူး Resolution တွေ အလုပ်ဖြစ်မဖြစ် ပြောချင်တယ် ဆိုတာနဲ့ လူစုကြ ပုလင်းတစ်လုံးဝယ်ပြီး အသံသွင်းဖို့နေရာကို ဒိုးကြပါတယ်။ မိုက်ဖွင့်ပြီးတာနဲ့ ပြောလိုက်ကြတာ ပြောရတာကနေ ပျော်သွားတော့ Edit မဆက်ဖြစ်ဘဲ ၄ လပိုင်းအကုန်မှ မြန်မာနှစ်သစ်ကူးနဲ့ရောချပြီး ဒီအပိုင်း ၄ ကို မိတ်ဆွေတို့ဆီ အရောက်ပို့လိုက်ခြင်းဖြစ်ပါတယ်။ အပိုင်း ၅ ကလည်း အသံသွင်းပြီးသားမို့ မကြာမီ လာပါမည်ဗျာ။ နားထောင်သူမိတ်ဆွေများ စိတ်အခန့်မသင့်ရှိခဲ့သော် ညိုကီတစ်သိုက်ကို အပြစ်မမြင် ချစ်စိတ်ဝင်ပြီး နားလည်ပေးကြပါဦး။

ခင်မင်စွာဖြင့်
ညိုကီများ