ဉာဏ်သူပုန်က မိတ်ဆွေများဟာ လူငယ်ဆိုတဲ့ ဖြစ်တည်မှုကို အလေးထားပါတယ်။ဒီ Podcast တွေကို ရင်ဘတ်ချင်းတူတဲ့ မိတ်ဆွေတွေစုစည်းပြီး ကိုယ့်လူတို့ အချင်းချင်းကြားထဲမှာ ဆွေးနွေးစရာလေးတွေ ဆွေးနွေးကြဖို့ တိုင်ပင်ရင်း လုပ်ဖြစ်တာပါ။ လက်ရှိအသက်အထိ ဖြတ်သန်းလာကြတဲ့အခါမှာ မောင်ရင်တို့မျိုးဆက် အဆက်ဆက်ကြုံခဲ့ရတဲ့ ယဥ်ကျေးမှုဆိုင်ရာ၊ ဘာသာရေးဆိုင်ရာ၊ ဓလေ့ထုံးတမ်းဆိုင်ရာ ဖိနှိပ်ခံရမှုတွေကို လူငယ်အချင်းချင်း နှီးနှောဖလှယ်ပြီး အမြင်တွေတိုက်ကြည့်ကြဖို့ ရည်ရွယ်ချက်ထားပါတယ်။ဉာဏ်သူပုန်ရဲ့ Host တစ်ယောက်ဖြစ်တဲ့ မောင်ရင်က “အဟောင်းတွေကိုပယ်ပါ၊ အကောင်းတွေကို မပယ်ပါနဲ့။” ဆိုတဲ့ ခေါင်းစဥ်နဲ့ ဉာဏ်သူပုန် ထ ပါတယ်။