ကိုညိုနဲ့ ကိုစနေက မိတ်ဆွေတို့လိုပဲ ဘောလုံးပွဲ သရဲတွေဖြစ်ပါတယ်။ သူတို့နှစ်ဦး ဆုံတိုင်းကြုံတိုင်း ဘောလုံးပွဲရဲ့ ကောင်းခြင်း၊ ဆိုးခြင်းတွေကို ရေပက်မဝင်ပြောကြလွန်းလို့ BPN ဝိုင်းတော်သားများက မိုက်ကရိုဖုန်း တစ်လုံး ထောင်ပေးလိုက်ရာမှာတော့ Ball Cast ဖြစ်လာပါတော့တာပါပဲ ⚽️ ဒီပရိုဂရမ်က အင်တာနက်အခက်အခဲဖြစ်နေတဲ့ ဘောလုံးအားကစားကို နှစ်သက်သော ချစ်မိတ်ဆွေတွေအတွက် ဘောလုံးသမိုင်းကြောင်း၊ နောက်ခံစီးပွားရေး အရှုပ်တော်ပုံ နဲ့ ခေတ်မှီနည်းပညာရဲ့ အားကစားပေါ်လွှမ်းမိုးမှုအစရှိတာတွေကို လက်ဖက်ရည်ဆိုင် စကားဝိုင်းများ ပမာ တင်ဆက်ပေးသွားမှာဖြစ်ပါတယ်။ နားဆင်ကြပါဦးဗျို့! ⚽️
Goat ကြီးနှစ်ယောက်ရဲ့ နေဝင်ချိန် တဖြည်းဖြည်း နီးကပ်လာတာနဲ့အမျှ လူငယ်ကစားသမားတွေထဲက ဘယ်သူတွေက သူတို့နေရာကို ဆက်ခံနိုင်မလဲဆိုတာ ဘောလုံးပရိတ်သတ်တိုင်း တွေးတောလေ့ရှိတဲ့ အရာတစ်ခုလို ဖြစ်နေပါပြီ။
ဒီတစ်ခါတော့ နုပျိုမှုနဲ့ ခွန်အားသစ် ပေါင်းစပ်ထားတဲ့ မျိုးဆက်သစ်တွေထဲက မျက်စိကျမိတဲ့ လူငယ်ကစားသမားလေးတွေ အကြောင်းကို ကိုညိုနဲ့ ကိုမောင်တို့က ပါးစပ်နဲ့ ဘောလုံးကန်ပြီး ဆွေးနွေး တင်ဆက်ပေးထားပါတယ်။
YouTube
Spotify